💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - ११ मे  

‌शालिवाहन शक १९४६, विक्रम संवत  २०८०

‌भा. रा. २१ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: वैशाख  

पक्ष: शुक्ल  

तिथी: चतुर्थी (२६.००)  ~ पंचमी                                             

वार:  शनिवार

नक्षत्र : मृग (१०.१५) ~ आर्द्रा                                                                               

राशी:  मिथुन 

*विनायक चतुर्थी* 

*श्री रामानुजाचार्य जयंती*

*राष्ट्रीय तंत्रज्ञान दिन*

१९९९: टेनिस सम्राज्ञी स्टेफी ग्राफ हिने जर्मन खुल्या टेनिस स्पर्धेत आपल्या कारकिर्दीतील १००० वा सामना खेळण्याचा विक्रम प्रस्थापित केला.

१९९८: २४ वर्षांनंतर भारताने पुन्हा राजस्थानच्या वाळवंटातील पोखरणच्या परिसरात हायड्रोजन बॉम्बनिर्मितीसाठीच्या साधनासह तीन  यशस्वी आण्विक चाचण्या केल्या.

१९९८: राष्ट्रीय तंत्रज्ञान दिन

१९९६: माउंट एव्हरेस्ट आपत्ती: एकाच दिवसात माउंट एव्हरेस्ट शिखर चढणाऱ्या ८ लोकांचे निधन झाले.

१९८७: गोव्याला स्वतंत्र राज्याचा दर्जा मिळाला.

१९५१: गझनीच्या महंमदने उध्दवस्त केलेले ज्योतिर्लिंग सोमनाथच्या मंदिरात शिवलिंग प्रतिष्ठापना डॉ. राजेंद्रप्रसाद यांच्या हस्ते झाली.

१९४९: सयाम देशाने अधिकृतरीत्या दुसऱ्यांदा आपले नाव बदलुन थायलंड केले.

१९४९: इस्त्रायलचा संयुक्त राष्ट्रांत  समावेश झाला.

१९२७: चलत चित्र कला व विज्ञान अकादमीची स्थापना. ही संस्था दरवर्षी ऑस्कार पुरस्कार बहाल करते.

१९२०: स्त्रियांना पदवीपरीक्षेसाठी प्रवेश देण्याचा ऑक्सफर्ड विद्यापीठाचा निर्णय.

१८८८:मुंबईतील मांडवी येथील कोळीवाड्यात समाजसुधारक जोतिबा फुले यांना रावबहादूर वड्डेदार यांनी ’महात्मा’ ही पदवी दिली.

१८५७:राष्ट्रीय उठाव - भारतीयांनी ब्रिटिशांकडून दिल्ली ताब्यात घेतली.

जन्मदिवस :

१९५०:सदाशिव अमरापूरकर – अभिनेता

१९४६: कृत्रिम हृदय विकसित करणारे कार्डियोलॉजिस्ट रॉबर्ट जार्विक

१९१८: क्‍वांटम इलेक्ट्रोडायनॅमिक्स मधील मूलभूत संशोधनाबद्दल नोबेल पारितोषिक मिळवणारे अमेरिकन पदार्थवैज्ञानिक रिचर्ड फाइनमन

१९१४:ज्योत्स्‍ना भोळे – संगीत रंगभूमीला नवचैतन्य देणार्‍या गायिका आणि अभिनेत्री. अनेक पुरस्कारांनी त्यांना गौरविण्यात आले.

१८९५: प्रख्यात भारतीय तत्त्वज्ञानी, लेखक, चिंतक व व्याख्याते जे. कृष्णमूर्ती 

मृत्यूदिन:

२००९: भारतीय नौसेनाधिपती सरदारिलाल माथादास नंदा

२००४:कृष्णदेव मुळगुंद – चित्रकार व नृत्यदिग्दर्शक 

१९९३: शाहू मोडक, अभिनेते.

१८८९: कॅडबरी कंपनी चे संस्थापक जॉन कॅडबरी

१८८५: लोकनेते कृष्णमोहन बंदोपाध्याय.

१८७१:सर जॉन विल्यम हर्षेल – ब्रिटिश गणितज्ञ आणि खगोलशास्त्रज्ञ, रॉयल अ‍ॅस्ट्रॉनॉमिकल सोसायटीचा संस्थापक 

*।। दास-वाणी ।।* 

नाना पशुंचिया शाळा । 

नाना पक्षी चित्रशाळा । 

नाना वाद्ये नाटयशाळा । 

गुणी गायेक बहुसाल  ।। 

नाना परिमळद्रव्यांची स्थळें । 

नाना खाद्यपदार्थांची स्थळें । 

नाना रसांची नाना स्थळें । 

येत्नें करीत जावी  ।। 

।। जय जय रघुवीर समर्थ ।। 

 दासबोध  : ०४/०७/१३-१५ 

भगवंताची दास्य भक्ती कशी करावी ?

मी परमेश्वराचा सेवक आहे, पाईक आहे, या एकमात्र भावनेने देवस्थानच्या पशुधनासाठी प्रशस्त गोठे, विविध पक्ष्यांसाठी मोठे मोठे पिंजरे उभारावेत. चित्रांची भव्य दालने उभारावीत ज्यामधे भगवंत आणि संतचरित्रे उत्तम रितीने सादर केली जातील. विविध वाद्ये अर्पण करावी. भव्य सभामंडप उभारून उत्सवाचे वेळी नामवंत गायक आणि गुणी कलाकारांचे सादरीकरण आयोजित करावे.

केशरासारखी किंमती सुगंधी द्रव्ये, अत्तरे, धान्य, फळफळावळ, दूध, तूप, दही इत्यादींचे साठे दीर्घकाळ सुखरूप ठेवण्यासाठी विविध पेटारे, कपाटे अथवा भांडारगृहे बांधून द्यावी.

नित्य नैमित्तिक पूजा अर्चना आणि उपासनेबरोबरच भगवंताच्या सेवेत जी जी कमतरता आढळेल, ती ती निष्काम भावनेने तत्परतेने भरून काढणे ही खरी दास्यभक्ती होय.

*दास्यभक्ती समास.*

*संंकलक : सुधीर देशपांडे (आबा)*

🙏 💐 💐 💐 💐 💐 🙏