सोलापूर लाचलुचपत प्रकरण ; दोन महसूल अधिकारी ४ लाख रुपयांच्या लाचेत अडकले

संजय देशमुख चित्रा न्युज 

सोलापूर:- शहरात महसूल प्रशासनातील दोन अधिकाऱ्यांनी लाच घेण्याच्या प्रकरणात अडकले आहेत. सदर प्रकरणात एक तक्रारदाराने 6 लाख रुपयांच्या लाचेची मागणी झाल्याची तक्रार नोंदवली होती. यातील आरोपी, श्री संदीप भीमराव लटके, मंडळ अधिकारी (वर्ग 3) सोरेगाव मंडळ तहसील उत्तर सोलापूर, आणि श्री पवनकुमार मोहनराव चव्हाण, तलाठी (वर्ग 3) सज्जा नेहरू नगर तहसील उत्तर सोलापूर, यांनी तडजोडीने 4 लाख रुपये लाच स्वीकारण्याची तयारी दाखवली होती. त्यापैकी पहिला हप्ता 2 लाख रुपये स्वीकारण्यात आला.

तक्रारदाराने नेहरूनगर, सोलापूर येथील 86.67 आर खुल्या जागेचा महसूल प्रशासनात संगणकीकरणानंतर बंद झालेला 7/12 उतारा पुन्हा सुरू करण्यासाठी प्रस्ताव सादर केला होता. सदर प्रस्ताव मंजूर करण्याच्या बदल्यात लटके आणि चव्हाण यांनी तक्रारदाराकडून लाचेची मागणी केली.

15 जुलै 2024 रोजी लाचलुचपत प्रतिबंधक विभागाने सापळा रचून आरोपींना रंगेहात पकडले. या प्रकरणात पोलीस निरीक्षक उमाकांत महाडिक यांच्या नेतृत्वाखालील पथकाने प्रभावी कारवाई केली. पथकात पोलीस अंमलदार शिरीष कुमार सोनवणे, अतुल घाडगे, सलीम मुल्ला, स्वामी राव जाधव आदींचा समावेश होता.

गुन्ह्याचे पर्यवेक्षण पोलिस उप अधीक्षक गणेश कुंभार यांनी केले. मार्गदर्शन अधिकारी म्हणून पोलिस अधीक्षक अमोल तांबे (मोबाईल क्र 9922100712) आणि अपर पोलीस अधीक्षक डॉ. शीतल जानवे/खराडे (मोबाईल क्र. 9921810357) यांनी भूमिका निभावली.

संपूर्ण प्रकरण जिल्हाधिकारी, सोलापूर यांच्या देखरेखीखाली आहे. नागरिकांना आवाहन करण्यात येते की, शासकीय अधिकारी/कर्मचारी कोणतेही शासकीय काम करण्यास लाचेची मागणी करत असल्यास लाचलुचपत प्रतिबंधक विभागाशी तात्काळ संपर्क साधावा.

 संपर्क तपशील:

- श्री गणेश कुंभार, सहाय्यक पोलीस आयुक्त/पोलिस उप अधीक्षक, लाचलुचपत प्रतिबंधक विभाग, सोलापूर. (मो.क्र. 9764153999)

- कार्यालय क्र. 0217-2312668

- ईमेल: dyspacbsolapur@gmail.com

- Toll free no: 1064

यामुळे महसूल विभागातील पारदर्शकता आणि भ्रष्टाचार निर्मूलनासाठी प्रभावी पावले उचलण्याची आवश्यकता अधोरेखित होते.