श्री. अनिल सावळजकर यांचा सेवापूर्ती सन्मान सोहळा संपन्न.....

चित्रा न्युज प्रतिनिधी

सोलापूर :- बचेरी  येथील श्री अनिल लक्ष्मण सावळजकर, कृषी विस्तार अधिकारी, पंचायत समिती, माळशिरस, हे नियत वयोमानानुसार सेवानिवृत्त झाले. त्यानिमित्त त्यांचा सेवापुर्ती सन्मान सोहळा महालक्ष्मी मल्टिपर्पल हॉल, पिलीव येथे आयोजित करण्यात आला.सदर कार्यक्रमासाठी प्रमुख अतिथी मा. श्री धैर्यशील मोहिते -पाटील, खासदार माढा लोकसभा मतदार संघ, यांच्या शुभ हस्ते शाल, फेटा, बुके देऊन सन्मान करण्यात आला,सदर कार्यक्रमांस मा. श्री मदनसिंह मोहिते -पाटील, (अध्यक्ष कृषी उत्पन्न बाजार, समिती, अकलूज, )मा. श्री. संग्रामसिंह जहागीरदार (मा. कृषीव पशुसवर्धन समिती जि. प. सोलापूर ) व मा. श्री. सयाजीराजे मोहिते पाटील (सभापती शिक्षण प्रसारक, मंडळ, अकलूज )इत्यादी मान्य वर उपस्थित राहून अनिल सावळजकर यांचा सन्मान करून आपली मनोगते व्यक्त केली व भावी आयुष्यास शुभेच्छा दिल्या.कार्यक्रमाचे प्रास्ताविक प्रा. समलिंग सावळजकर यांनी केले व कार्यक्रमचे सूत्रसंचलन श्री गुजर गुरुजी यांनी केले.सदर कार्य क्रमांस पिलीव, सुळेवाडी, तांदुळवाडी, मळोली, यशवंतनगर, बचेरी येथील सरपंच, उपसरपंच, नागरिक, सांगेसोयरे, पाहुणे मंडळी, मित्र मंडळी बहुसंखेने उपस्तित राहून अनिल साहेबांचा शाल, श्रीफल, पुष्पहार, पुष्पगुछ देऊन सन्मान करण्यात आला.  सयाजीराजे मोहिते पाटील यांनी मनोगत व्यक्त करून श्री. अनिल सावळजकर यांना सेवा निवृत्तीनंतरच्या काळासाठी हार्दिक शुभेच्छा दिल्या. सदर कार्यक्रमामध्ये कु. अबोली, मा. श्री. गुळवे (मा. गटविकास अधिकारी पंचायत समिती, माळशिरस ), श्री सिद्धेश्वर धसाडे गुरुजी व इतर मित्रमंडळींनी आपले विचार व्यक्त करून शुभेच्छा दिल्या. शेवटी अनिल 

    सावळ जकर यांनी आपले कार्याविषयी मनोगत व्यक्त करून सर्वांप्रती ऋण व्यक्त केले. कार्यक्रमाचे शेवटी सर्व उपस्थित मान्यवरांचे व सर्वनागरिकांचे, पाहुण्यांचे, मित्रांचे आभार श्री. संतोष सावळजकर यांनी मानले.  स्नेहभोजंनाचा आस्वाद घेऊन कार्यक्रमांची सांगता झाली.