अडयाळ येथील शेतात सोनेरी फुलांनी बहरला सुंदर वृक्ष बहावा

चित्रा न्युज प्रतिनिधी 

भंंडारा  :-पौनी तालुक्यातील अडयाळ येथील स्व.समीउल्लाह खान  यांच्या शेतात सोनेरी _पिवळ्या  फुलांनी बहावा वृक्ष बहरला आहे. बहावा वृक्ष हा अतिशय सुंदर वृक्ष असून याचे हिन्दी नाव अमलतास,शास्त्रीय नाव कैशिया फीस्तूला आहे.निसर्गाचा राजवृक्ष ,गोल्डन_ट्री  म्हणुन ही हा ओळखला जातो. हा भरपूर ऑक्सिजन देतो,जमिनीची धूप थांबवतो व कार्बनशोषण करतो,जैवविविधता

वाढवतो.उन्हाळ्यात हा शेतमजूर ,जनावरांना सावली देतो,मधमाश्या व पक्ष्यांना आश्रय देतो.पिवळ्या रंगाच्या लांब झुंबरासारखा खाली लटकणार्‍या मंजिर्‍या ,मे महिन्यात पूर्ण झाड पिवळ्या फुलांनी भरून जातो.शेंगा व फुल हरीण,पोपट,नीलगाय खातात. शोभा, सेवा व संवर्धन देणारा हा राजावृक्ष आहे. बहावा वृक्ष पर्यावरणीय संरक्षणाचा *जिवंत _पर्व*आहे.