💐 || सुमंगल सुप्रभात || 💐‌ 🌞 दिन विशेष ‌

💐 || सुमंगल सुप्रभात || 💐

‌ 🌞 दिन विशेष

‌

‌इसवी सन २०२३ - १८ जानेवारी

‌शालिवाहन शक १९४४, विक्रम संवत २०७९

भा. रा. २८ पौष १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : हेमंत

‌मास : पौष

पक्ष : कृष्ण

‌तिथी : एकादशी (१६.००) ~ द्वादशी

वार : बुधवार

नक्षत्र: अनुराधा (१७.२०) ~ ज्येष्ठा

राशी: वृश्चिक

*षट्तिला एकादशी*

संत निवृत्तीनाथ महाराज यात्रा, त्र्यंबकेश्वर, नाशिक

महत्त्वाच्या घटना:

२००५:एअरबस ए-३८० हे जगातील सर्वात मोठे प्रवासी विमान सेवेत रूजू.

१९९७:नॉर्वेच्या बोर्ग आऊसलंडने एकट्याने व कोणाच्याही मदतीशिवाय अटलांटिक महासागर पार केला.

१९७४:इजिप्त व इस्त्राएल यांच्यात शांतता करारावर सह्या झाल्या.

१९६४: न्यूयॉर्क येथे वर्ल्ड ट्रेड सेंटरच्या इमारतीचे भूमिपूजन झाले.

१९५६:संयुक्त महाराष्ट्र चळवळीच्या वेळी मुंबईत ११४ वेळा गोळीबार. यात १० लोक ठार, २५० जखमी, दंगल वाढल्याने २४ तास कर्फ्यू लावण्यात आला.

१९११:युजीन बी. इलायने सानफ्रान्सिस्कोच्या बंदरात उभ्या असलेल्या यु. एस. एस. पेनसिल्व्हेनिया या जहाजावर विमान उतरवले. जहाजावर विमान उतरण्याचा हा पहिलाच प्रसंग होता.

१७७८:कॅप्टन जेम्स कूक हा हवाई बेटांवर पोचणारा पहिला युरोपियन बनला.

जन्मदिवस :

१८९५: साहित्यिक, कवी आणि शिक्षणतज्ज्ञ वि. द. घाटे

१८८९:शंकर काशिनाथ गर्गे तथा ’दिवाकर’ – नाट्यछटाकार

१८४२:न्यायमूर्ती महादेव गोविंद रानडे – समाजसुधारक, धर्मसुधारक, अर्थशास्त्रज्ञ व न्यायाधीश

१७९३:महाराष्ट्रातील एक सद्गुणी, प्रजाहितदक्ष पण दुर्दैवी राजे प्रतापसिंह भोसले. छत्रपती शाहू (दुसरे) यांचे ते थोरले चिरंजीव होत. पेशवाईच्या अस्तानंतर माऊंट स्टुअर्ट एल्फिन्स्टन यांनी पुन: त्यांना छत्रपतींच्या गादीवर बसवले. पाठशाळा आणि संस्कृत व मराठी बरोबरच इंग्रजी भाषेच्या अध्यापनाला त्यांनी उत्तेजन दिले.

मृत्यूदिन:

२०१५:शकुंतला महाजन तथा ’बेबी शकुंतला’ – लोभसवाणे रूप, शालीन सौंदर्य आणि कसदार अभिनयाच्या माध्यमातून चित्रपटसृष्टीत अमीट अशी मुद्रा उमटविणाऱ्या अभिनेत्री.

२००३:हरिवंशराय बच्‍चन – हिन्दी कवी

१९९६:एन. टी. रामाराव – तेलगू अभिनेते, दिग्दर्शक, निर्माते व आंध्रप्रदेशचे १० वे मुख्यमंत्री

१९८३:आत्माराम रावजी भट – कृतिशील विचारवंत, ’मराठा चेंबर ऑफ कॉमर्स अँड इंडस्ट्रीज’चे संस्थापक

१९४७:कुंदनलान सैगल – गायक व अभिनेते

१९३६:रुडयार्ड किपलिंग – नोबेल पारितोषिकविजेते ब्रिटिश लेखक

१९६७: कृषितज्ज्ञ डॉ. पांडुरंग सदाशिव खानखोजे

१९७१: भारतीय वकील आणि संसद सदस्य बॅरीस्टर नाथ पै

*।। दास-वाणी ।।*

प्रात:काळी उठावे ।

कांही पाठांतर करावें ।

येथानशक्ती आठवावें ।

सर्वोत्तमासी ।।

मग दिशेकडे जावें ।

जे कोणासिच नव्हे ठावें ।

शौच्य आच्मन करावें ।

निर्मळ जळें ।।

।। जय जय रघुवीर समर्थ ।।

दासबोध : ११/०३/१५-१६

आळसामुळे होणारे आयुष्याचे मातेरे

टाळण्यासाठी माणसाने अखंड साक्षेपी

रहायला हवे. प्रयत्नपूर्वक दीर्घकाल कष्ट करूनच सुख प्राप्त करून घ्यावे लागते.

आळस झटकण्यासाठी दिवसाची

सुरूवात कशी असावी ?

सूर्योदयापूर्वी दोन तास ब्राह्ममुहूर्तावर उठावे. चित्तवृत्ती यावेळी प्रसन्न असतात. काही अध्यात्मिक ग्रंथांचे रोज पाठांतर करावे. शांतपणे ईश्वराचे नामस्मरण चिंतन करावे. कर्ता करविता तोच आहे याचे भान ठेवावे.

त्यानंतर घरापासून दूर निर्जन स्थळी

शौचविधीसाठी जावे. शौच मुखमार्जन आटोपून स्वच्छ पाण्याने आचमन करावे. पहाटे पहाटेच भरपूर पाणी प्यावे. हे उष:पान ज्याने प्रकृती ठणठणीत राहाते जी दिवसभराचे काबाडकष्ट पेलू शकते.

सिकवणनिरूपण समास.

🙏💐💐💐💐💐🙏