💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - ५ ऑगष्ट

‌शालिवाहन शक १९४५, विक्रम संवत २०७९

‌भा. रा. १४ श्रावण १९४५.

युगाब्द ५१२५

संवत्सर नाम : शोभन

अयन : दक्षिणायन

ऋतू : वर्षा

मास : अधिक श्रावण  

पक्ष : कृष्ण         

तिथी : चतुर्थी (०९.४०) ~ पंचमी              

वार : शनिवार 

नक्षत्र : उत्तरभाद्रपदा (२६.५०) ~ रेवती                    

राशी : मीन 

जागतिक पथदर्शक दिवे दिवस 

(World Signals day)

१५८३: अमेरिका – सर हम्फ्रे गिल्बर्ट यांनी उत्तर अमेरिकेत पहिली इंग्रजी वसाहत स्थापन केली

१६८७: सर आयझॅक न्यूटन यांनी फिलॉसॉफी नॅचरालिस प्रिन्सिपिया मॅथेमॅटिका हे महत्त्वाचे पुस्तक प्रकाशित केले.

१८६१: अमेरिकन सैन्यातील चाबकाचे फटके मारण्याची शिक्षा बंद करण्यात आली.

१९०१ : पीटर ओ'कॉनोरने २४ फूट ११.७५ ईंच लांब उडी मारून विश्वविक्रम रचला.

१९०५: लॉर्ड कर्झन याने बंगालची फाळणी केली.

१९१३: बालगंधर्वांनी गंधर्व नाटक मंडळीची स्थापना केली.

१९१४ : जगातील पहिला विद्युतचलित वाहतूक नियंत्रक दिवा अमेरिकेच्या क्लीव्हलँड शहरात सुरू झाला.

१९४९ : इक्वेडोरमध्ये भूकंप. ६,००० ठार.

१९५०: इस्रायलच्या क्वेन्सेटने जगातील सर्व ज्यू व्यक्तींना इस्रायलमध्ये राहण्याचा हक्क दिला.

१९६२ : दक्षिण आफ्रिकेत नेल्सन मंडेलाला कैद. २८ वर्षांनी १९९०मध्ये सुटका.

१९६२: कन्या नक्षत्रात पहिल्या क्‍वासार तार्‍याचं अस्तित्त्व सिद्ध करण्यात यश.

१९६५: पाकिस्तानी सैन्याने साध्या वेषात घुसखोरी केल्यामुळे भारत पाकिस्तान युद्धाला सुरूवात झाली.

१९७३: मार्स ६ – अंतराळयान यूएसएसआर वरून प्रक्षेपित झाले.

१९७५: देवी या रोगाचे भारतातून समूळ उच्चाटन झाल्याचे जागतिक आरोग्य संघटनेने (WHO) जाहीर केले.

१९७७: पाकिस्तानमध्ये लष्करी उठाव. झुल्फिकार अली भुत्तो तुरुंगात.

१९८१ : अमेरिकेन राष्ट्राध्यक्ष रोनाल्ड रेगनने संपावर असलेल्या ११,३८१ हवाई वाहतूक नियंत्रकांना नोकरीतून काढून टाकले.

१९९७ : रशियाच्या दोन अंतराळवीरांना घेऊन ’सोयूझ-यू’ हे अंतराळयान ’मीर’ अंतराळस्थानकाकडे रवाना

२०१२ : अमेरिकेच्या विस्कॉन्सिन राज्यातील ओक क्रीक शहरातील गुरुद्वारामध्ये घुसून एका माथेफिरूने गोळीबार केला. सहा व्यक्ती ठार. हल्लेखोराला पोलिसांनी गोळ्या घालून ठार मारले.

२०१९: भारत – जम्मू आणि काश्मीर या प्रदेशाचा राज्याचा विशेष दर्जा रद्द करण्यात आला आणि राज्याचे दोन केंद्रशासित प्रदेशांमध्ये जम्मू आणि काश्मीर व लडाख असे विभाजन करण्यात आले.

२०२०: राम मंदिर, अयोध्या – सर्वोच्च न्यायालयाचा विवादित जमिनीवर मंदिर बांधण्याच्या बाजूने निकाल आल्यानंतर भूमिपूजन करण्यात आले.

जन्मदिवस

१८५८ : वासुदेव वामन तथा ’वासुदेवशास्त्री’ खरे – इतिहासाचार्य, लेखक, नाटककार व कवी 

१८९०: इतिहासकार, लेखक, वक्ते आणि पुणे विद्यापीठाचे कुलगुरू, टिळक महाराष्ट्र विद्यापीठाचे कुलगुरू, पद्मविभूषण महामहोपाध्याय दत्तो वामन पोतदार

१९१५: पद्मश्री, पद्मभूषण, साहित्य अकादमी पुरस्कार, सन्मानित प्रख्यात हिंदी कवी व शिक्षणतज्ञ शिवमंगल सिंग ‘सुमन’. 

१९३०: चंद्रावर पाऊल ठेवलेला पहिला मानव नील आर्मस्ट्राँग 

१९३३: लेखिका व समीक्षिका विजया राजाध्यक्ष 

१९४६: पूर्व केंद्रीय मंत्री, राज्यसभेचे खासदार रामविलास पासवान 

१९७५: काजोल, अभिनेत्री 

मृत्यूदिन :

१९६२ : अमेरिकन अभिनेत्री सौंदर्यवती मेरिलीन मन्‍रो यांनी गोळी झाडून घेऊन आत्महत्या केली. 

१९८४ : रिचर्ड बर्टन – अभिनेता 

१९९१: होंडा कंपनी चे स्थापक सुइचिरो होंडा

१९९२: अच्युतराव पटवर्धन, ४२च्या आंदोलनातील नेते, भारतीय समाजवादी पक्षाचे एक संस्थापक, विचारवंत, तत्त्वचिंतक व सामाजिक कार्यकर्ते.

२०००: लाला अमरनाथ भारद्वाज, स्वातंत्र्योत्तर भारतीय क्रिकेट संघाचा पहिला कर्णधार व पहिला शतकवीर 

२००१: ज्योत्स्ना भोळे, संगीत रंगभूमीला नवचैतन्य देणार्‍या गायिका आणि अभिनेत्री. संगीत नाटक अकादमी पुरस्कार (१९७६), विष्णूदास भावे पुरस्कार, बालगंधर्व पुरस्कार, महाराष्ट्र विशेष गौरव पुरस्कार, गानसम्राज्ञी लता मंगेशकर पुरस्कार इ. अनेक पुरस्कारांनी त्यांना गौरविण्यात आले. 

*।। दास-वाणी ।।* 

त्यासी पात्रावरी बैसविलें । 

नेत्री भरोन पात्र पाहिले । 

हाताकरवी आरंभिलें । 

आपोशन ।। 

हाताकरवीं ग्रास उचलवी । 

मुखी जाऊन मुख पसरवी । 

दातांकरवीं चाववी । 

नेटें नेटें ।। 

।। जय जय रघुवीर समर्थ ।। 

 दासबोध : १३/०९/१८-१९ 

देहामधे राहाणारा जीवात्मा पायांमधे उत्साह भरवून शरीराला पाटावर बसवतो. तोच जीवात्मा समोर वाढलेले अन्नाचे ताट डोळयाने भरून पाहून तृप्त होतो. भोजनाला सुरूवात करण्यापूर्वी तो पंचपात्रातून पळीने थेंबभर पाणी तळहातावर घेऊन प्राशन करतो. याला आपोष्णी म्हणतात.

हाताने तो जीवात्मा घास घेतो. घास तोंडाजवळ गेल्यावर तोच तोंड उघडतो आणि घास तोंडात पडतो.

जीवात्मा दातांमध्येही प्रविष्ट होऊन अन्नाचे घास नेटकेपणाने चावून चावून पचनाला मदत करतो.

एकंदरीत परमात्म्याचा अंशरूप असलेला जीवात्मा शरीरभर खेळत राहातो आणि देहाच्या प्रत्येक हालचालीचे संपूर्ण नियंत्रण करतो.

आत्मविवरण समास.

 🙏 💐💐💐💐💐 🙏