डुकराच्या हल्ल्यात चार जखमी, तिघांची प्रकृती गंभीर

चित्रा न्युज प्रतिनिधी 

साकोली :-साकोली तालुक्यात वन्यजीवांच्या हल्ल्यांच्या घटना थांबण्याचे नाव घेत नाहीत. गेल्या महिन्यात एप्रिलमध्ये उमरझरी, बांपेवाडा, आमगाव बुज येथे वाघाच्या आणि विर्शी भागात बिबट्याच्या हल्ल्यात एक पुरुष, एक महिला, एक बालिका यांचा बळी गेला होता. एक महिला वाघाच्या हल्ल्यात गंभीर जखमी झाली होती. त्याच वेळी, मे महिन्याच्या सुरूवातीस आणखी एक घटना समोर आली आहे. मिळालेल्या माहितीनुसार, पिंडकेपारजवळ जंगली डुकरांच्या कळपाने मोटारसायकलवर हल्ला केला, चार जखमी, तिघांची प्रकृती गंभीर आहे. असे म्हटले जाते की जंगली डुक्करांची संख्या सुमारे ३० ते ३५ होती .मनोज तेजराम जांभूळकर (वय 55), भजनदास आत्माराम बांभारडे (वय 64), अमरदीप रात्रीराम वल्थरे (वय 31) आणि दीपक केवनराम वल्थरे (वय 28) अशी जखमींची नावे आहेत. हे चौघे दोन मोटारसायकलवरून बांपेवाड्याला जात असताना पिंडकेपारजवळ अचानक रानडुकरांच्या कळपाने त्यांच्यावर हल्ला केला. या घटनेनंतर सर्व जखमींना तातडीने उपजिल्हा रुग्णालयात दाखल करण्यात आले, तेथे प्राथमिक उपचार करण्यात आले. यापैकी भजनदास बांभारडे, अमरदीप वल्थरे आणि दीपक वलथरे यांची प्रकृती चिंताजनक असल्याने त्यांना पुढील उपचारासाठी भंडारा येथे पाठविण्यात आले.या भागात वन्यजीवांचे हल्ले सुरूच आहेत. वनविभागाने बंदोबस्त करावा अशी मागणी आहे.