💐 || सुमंगल सुप्रभात || 💐‌ 🌞 दिन विशेष ‌

‌इसवी सन २०२३ - २३ जानेवारी 

‌शालिवाहन शक १९४४, विक्रम संवत २०७९

भा. रा. ३ माघ १९४४

युगाब्द ५१२४

‌संवत्सर नाम: शुभकृत

अयन : उत्तरायण

‌ऋतू : शिशिर

‌मास : माघ

पक्ष : शुक्ल            

‌तिथी : द्वितीया (१८.४०) ~ तृतीया                  

वार : सोमवार  

नक्षत्र: धनिष्ठा                 

राशी: मकर (१३.५०) ~ कुंभ 

धर्मनाथ बीज 

*पराक्रम दिवस* 

*नेताजी सुभाषचंद्र बोस जयंती* 

बाळासाहेब ठाकरे जयंती

१९३२:’प्रभात’च्या ’अयोध्येचवी राजा’ची हिन्दी आवृत्ती ’अयोध्या का राजा’ मुंबईत प्रदर्शित झाली.

१७०८:छत्रपती शाहू महाराजांनी स्वत:ला राज्याभिषेक करवून घेतला. त्याच दिवशी सातारा ही राज्याची नवी राजधानी जाहीर केली गेली.

१५६५:विजयनगर साम्राज्याची अखेर

जन्मदिवस :

१९४७:मेघावती सुकार्नोपुत्री – इंडोनेशियाच्या पहिल्या महिला राष्ट्राध्यक्ष

१९२६: शिवसेना प्रमुख बाळासाहेब ठाकरे 

१९२०:श्रीपाद रघुनाथ जोशी – व्यासंगी लेखक 

१९१५:कमलनयन बजाज – उद्योगपती, बजाज आटो, बजाज इलेक्ट्रिकल्स, उदयपूर सिमेंट इ. कंपन्यांचे अध्यक्ष 

१८९७:नेताजी सुभाषचंद्र बोस 

मृत्यूदिन :

१९९२:ह. भ. प. धुंडामहाराज देगलूरकर – भक्तिसांप्रदायिक आणि ज्ञानेश्वरीचे गाढे अभ्यासक 

१९१९:राम गणेश गडकरी – नाटककार, कवी व विनोदी लेखक. ते ’गोविन्दाग्रज’ या टोपणनावाने कथालेखन करीत तर ’बाळकराम’ या नावाने विनोदी लेखन करीत. ‘प्रेमसंन्यास‘, ‘पुण्यप्रभाव‘, ‘एकच प्याला‘, ‘भावबंधन‘, ‘राजसंन्यास‘ ही त्यांची नाटके अतिशय गाजली. ’वाङ्वैजयंती’ नावाने त्यांच्या कविता संग्रहित केलेल्या आहेत. 

१६६४:शहाजी राजे भोसले यांचे कर्नाटकातील होदेगिरीच्या जंगलात शिकार करताना घोडा अडखळून पडल्याने अपघाती निधन 

*।। दास-वाणी ।।* 

मूर्ख अंतर राखों नेणे । 

म्हणौन असावे शाहाणे । 

ते शाहाणेही दैन्यवाणे । 

होऊन गेले ।। 

अंतरी ठेवणें चुकलें । 

दारोदारीं धुंडूं लागलें । 

तैसे अज्ञानास जालें । 

देव न कळे ।। 

।। जय जय रघुवीर समर्थ ।। 

 दासबोध : ११/०८/१७-१८ 

मूर्खाला साध्या प्रापंचिक व्यावहारिक हिताच्या गोष्टी देखील कळत नाहीत. तिथे अंतरात्म्याची राखण वगैरे फार दूरच्या गोष्टी. त्यासाठी अध्यात्मिक ज्ञान घ्यावे लागते. परंतु नुसताच अभ्यास करून शब्दसंग्रह वाढतो. अनुभव नसेल तर हे शब्दज्ञानीही प्रपंचात गुरफटण्यामधेच समाधान मानतात.

असे पोपटपंची तथाकथित ज्ञानी आत्मसुखाला तर पारखे होतातच. बाहय विषयामधेच त्यांचा सुखाचा शोध सुरू राहातो. खरे सुख इंद्रिय विषयातीत आहे हे न समजलेला अज्ञानी आत्मदेवालाही मुकतो. मोक्ष मुक्तीपासून अर्थातच दूर राहातो.

अंतरात्माविवरण समास.

🙏💐💐💐💐💐🙏