• ग्रामपंचायत स्तर 50% ची 67 ग्रामपंचायतीमध्ये 156 कामे सुरू
कालिदास खोब्रागडे चित्रा न्युज
भंडारा:- खरीप हंगामातील धान परिपक्व होऊन कापणीच्या मार्गावर असताना रोग आणि किडीच्या प्रादुर्भावामुळे उत्पादनात प्रचंड प्रमाणात घट झाली. त्यामुळे तालुक्यात दुष्काळ सदृश परिस्थिती निर्माण झाली. महाराष्ट्र ग्रामीण रोजगार हमी योजना 50 टक्के ग्रामपंचायत स्तराची कामे मोठ्या प्रमाणात सुरू झाले असून आजघडिस 6 मे पर्यंत तालुक्यात 156 अकुशल कामे सुरू असून त्यावर 25 हजार 444 मजूर कार्यरत असल्याचे पंचायत समिती लाखनी मग्राहयोचे साहाय्यक कार्यक्रम अधिकारी राहुल गिर्हेपुंजे यांनी कळविले आहे.
. ग्रामीण परिसरातील दारिद्र्य रेषेखालील व गरीब कुटुंबातील एका व्यक्तीस वर्षातून 100 दिवस रोजगार उपलब्ध करण्याचे उदात्त हेतूने केंद्र शासनाने महात्मा गांधी राष्ट्रीय ग्रामीण रोजगार हमी योजनेस सुरुवात केली. ती राज्यात महाराष्ट्र ग्रामीण रोजगार हमी योजना या नावाने सुरू आहे. या योजनेचा केंद्रबिंदू ग्रामीण परिसर असून यात 60% अकुशल(मजूर प्रधान) आणि 40% कुशल कामांचे(बांधकाम) प्रयोजन करण्यात आले आहे. या योजनेचे नियोजन, सनियंत्रण व देखरेखीचे काम ग्रामपंचायतीकडे सोपविण्यात आले असून याकरिता ग्रामसेवकाला सहाय्यक म्हणून रोजगार सेवकाची निवड करण्यात आली आहे.
लाखनी तालुक्यात 1 नगर पंचायत आणि 71 ग्रामपंचायतीत 104 गावे समाविष्ट असून 94 लोक वस्तीची तर 10 गावे रीठी आहेत. लोकसंख्या 1 लाख 28 हजार 545 आहे. कुटुंब संख्या 25 हजार 499, मजूर संख्या 49 हजार 531 तर दारिद्र्य रेषेखालील कुटुंबांची संख्या 17 हजार 140 आहे. चालू खरीप हंगामात सरासरी पेक्षा कमी पर्जन्यवृष्टी त्यानंतर धान पिकावर रोग आणि किडीचा प्रादुर्भाव झाल्यामुळे उत्पादन निम्म्यापेक्षा कमी झाले असल्यामुळे तालुक्यात दुष्काळ सदृश परिस्थिती होती. खरीप हंगाम संपल्यानंतर महाराष्ट्र ग्रामीण रोजगार हमीची कामे अपेक्षाप्रमाणे पंचायत समिती प्रशासनाने 50 टक्के ग्रामपंचायत स्तरावरील मजूर प्रधान कामे(अकुशल) सुरू करण्याच्या सूचना ग्रामपंचायतीला केल्याने अनेक गावात कामांना सुरुवात करण्यात आली.
त्यात वृक्ष लागवड 4, गोठे 5, सिंचन विहीर 8, घरकुल 116, शोषखड्डे 2, भातखचरे 9, याशिवाय गडेगाव, दैतमांगली, इसापूर, पिंपळगाव-2, राजेगाव, आलेसुर, देवरी, गोंदी, वाकल, निमगाव, झरप, गराडा, किटाळी, डोंगरगाव/न्या 2, खेडेपार, खैरी इत्यादी गावात मामा तलाव खोलीकरण तसेच सिपेवाडा, कन्हाळगाव, जेवनाळा, धाबेटेकडी, मोगरा, पळसगाव, घोडेझरी, निलागोंदी, देवरी, धानला, पेंढरी, चान्ना, मोरगाव, सिंदीपार, कवलेवाडा, खराशी, लोहारा, झरप, परसोडी 2, सोनमाळा, गुरढा, मरहेगव, गोंडेगाव, खुनारी, सामेवाडा, विहिरगाव इत्यादी 35 गावात नाला सरळीकरण व बंधाऱ्यातून गाळ काढणे इत्यादी कामे सुरू आहेत. तसेच मैदान सपाटीकरण सेलोटी, स्मशान भूमी सोंदर्यकरण जेवनाळा, पांदण रस्ता रामपुरी इत्यादी कामावर 24 हजार 552 मजूर कार्यरत आहेत. ही मजूर प्रधान कामे सुरू करण्याकरिता गटविकास अधिकारी नेताजी धारगावे, विस्तार अधिकारी(पंचायत) प्रमोद हूमने, लांजेवार, सहाय्यक कार्यक्रम अधिकारी राहुल गिऱ्हेपुंजे, कार्यक्रम व्यवस्थापक महेंद्र साखरे, तांत्रिक सहाय्यक महेश बर्वे, यशवंत शेंडे, विनाश वालोदे, गिरिधर मेश्राम, आनंद वाघाये, अमरदिप शेंडे, राकेश दाते, सुधाकर कांबळे, किरण बावनकुळे, रजनी नांदगावे इत्यादी परिश्रम घेत असून संगणक परिचालक हितेश झलके, रामेंद्र लाडे, गणेश(बाळू) टीचकुले, अस्मिता कावळे यांचेसह रोजगार सेवक, सरपंच, ग्रामपंचायत कमिटी सहकार्य करीत आहेत.
0 टिप्पण्या