💐 || सुमंगल सुप्रभात || 💐‌ 🌞 दिन विशेष 🌞

💐  || सुमंगल सुप्रभात ||  💐

‌          🌞 दिन विशेष  🌞

‌इसवी सन २०२४ - २१ मे  

‌शालिवाहन शक १९४६, विक्रम संवत  २०८०

‌भा. रा. ३१ वैशाख १९४६

युगाब्द ५१२६       

संवत्सर नाम : क्रोधी

अयन : उत्तरायण 

ऋतू : वसंत 

मास: वैशाख  

पक्ष: शुक्ल  

तिथी: त्रयोदशी (१७.४०) ~ चतुर्दशी  

वार : मंगळवार 

नक्षत्र : स्वाती (अहोरात्र) 

राशी :   तुला

*श्री नृसिंह जयंती*

(नागपूर, यवतमाळ व त्याच्या पूर्वेकडील भागात उद्या बुधवारी व तो भाग वगळून उर्वरित सर्व महाराष्ट्रात आज मंगळवारी श्री नृसिंह जयंती आहे.)

*जागतिक चहा दिन*

विशेष माहितीसाठी कृपया खालील दुवा पहा.

https://www.esakal.com/amp/food/international-tea-day-now-on-may-21-international-tea-day-will-be-celebrated-because-of-this

*संवाद आणि विकासासाठी सांस्कृतिक विविधतेसाठी जागतिक दिवस*

*जागतिक दहशतवाद विरोधी दिन*

*जागतिक ध्यान दिवस*

१८८१: युरोपीय देशांतील गृहयुद्ध संपल्यानंतर क्लारा बार्टन आणि त्यांच्या सहकाऱ्यांनी मिळून अमेरिकेतील वॉशिंग्टन डी.सी. मध्ये अमेरिकन रेड क्रॉसची स्थापना केली.

१९०४: पॕरिस मध्ये फेडरेशन डी फुटबॉल इंटरनॅशनल आसोशिएशन (फिफा)  चि स्थापना झाली.

१९२७: चार्ल्स लिंडबर्ग यांनी एकट्याने जगातील पहिले  न थांबता अटलांटिक महासागर पार करणारे उड्डाण पूर्ण केले.

१९३२: अमेलिया इअरहार्ट ह्या अटलांटिक महासागर एकटयाने पार करणाऱ्या पहिल्या महिला ठरल्या.

१९९१: पंतप्रधान राजीव गांधी यांची श्रीपेरांबदुर येथे आत्मघातकी पथकाने हत्या केली.

१९९२: चीनने १,००० किलो टन क्षमतेच्या अणुबॉम्बची यशस्वी चाचणी केली. हा जगातील सर्वात शक्तिशाली अणुस्फोट आहे.

१९९४: ४३ व्या जागतिक सौंदर्य स्पर्धेत मिस इंडिया सुश्मिता सेनने मिस युनिव्हर्स हा किताब पटकावला. हा किताब मिळवणारी ती पहिलीच भारतीय आहे.

१९९६: सांगली जिल्ह्यातील माधवराव पाटील हे ब्रिटन मधील इलिंग शहराचे महापौर झाले.

जन्मदिवस :

१९२८: कला समीक्षक व लेखक ज्ञानेश्वर नाडकर्णी 

१९३१: हिन्दी कवी, लेखक व उपहासकार शरद जोशी 

१९५६: अभिनेता रविंद्र मंकणी

१९७१: प्रख्यात भारतीय चित्रपट निर्माता व पटकथा लेखक आदित्य चोपडा 

मृत्यूदिन

२००५: सुप्रसिद्ध भारतीय चित्रपट निर्माता व दिग्दर्शक सुबोध मुखर्जी 

१९९८: इंटकचे सोलापुरातील नेते आबासाहेब बाबूराव किल्लेदार 

१९९१ : भारताचे माजी पंतप्रधान राजीव गांधी यांचा पेरांबुदुर येथे बॉम्बस्फोटात अंत.

१९७९: जानकी देवी बजाज, स्वातंत्र्य सेनानी

१९७३: बाळकृष्ण ढवळे, मराठी मुद्रण व प्रकाशन क्षेत्रातील व्यवसायिक.

*।। दास-वाणी ।।* 

न कळे देव निश्चयात्मक । 

न कळे संतांचा विवेक । 

न कळे मायेचें कौतुक । 

या नाव बद्ध  ।। 

न कळे परमार्थाची खूण । 

न कळे अध्यात्मनिरूपण । 

न कळे आपणासि आपण । 

या नाव बद्ध  ।। 

।। जय जय रघुवीर समर्थ ।। 

 दासबोध : ०५/०७/१३-१४

देवाचे नेमके स्वरूप न समजल्यामुळे 

नित्य नैमित्तिक काम्य कर्मे करण्यातच

जो धन्यता मानतो.

संतांचे नित्य अनित्य, सार असार विवेक रोज ऐकतो पण समजून घेत नाही. मायिक दृश्य हे अनित्य, नष्ट होणार आहे हे कळतच नाही म्हणून संसारातच आसक्त होऊन गुरफटून जातो, तो बद्ध होय.

बद्ध म्हणजे फक्त मी आणि माझे यामधे बांधलेला. त्याला परमार्थात यत्किंचितही रस नसतो. अध्यात्म विषयक चर्चा समजत नाहीच. जाणून घ्यायची इच्छा देखील नसते. मी म्हणजे माझा देह, त्याचे नित्य लांगुलचालन एवढीच जाणीव शिल्लक असल्याने खरा मी कोण , माझे आत्मस्वरूप काय आहे याचा त्याला मागमूसही नसतो. असा बद्ध आपल्या चाकोरीबद्ध जीवनात बेहद्द खूष असतो. त्यातच सार्थकही मानतो.

*बद्धलक्षण समास.*

*संंकलक : सुधीर देशपांडे (आबा)*

   🙏 💐 💐 💐 💐 💐 🙏