संजीव भांबोरे भंडारा
भंडारा :- दिनांक 20 मे 2024 रोज सोमवारला भंडारा तालुक्यातील संपूर्ण रास्त भाव दुकानदारांना टूजी ऐवजी फोरजी ई पास मशीन चे वाटप करण्यात आले. दुकानदाराकडे यापूर्वी असलेल्या ईपास मशीन जमा करण्यात आलेल्या असून त्या ऐवजी नवीन ईपास मशीन रास्त भाव दुकानदारांना देण्यात आल्या.कारण टूजी कनेक्टेड मशीन यापूर्वी दुकानदारांकडे असल्यामुळे रास्त भाव दुकानदारांच्या अनेक समस्या होत्या व त्यामुळे अनेक लोकांचे मशीनवर अंगठे लागत नव्हते .
त्यामुळे राशन दुकानदारांना त्याचा मानसिक त्रास सहन करावा लागत होता. परंतु आज देण्यात आलेल्या फोरजी ई पास मशीन मुळे दुकानदारांची परेशानी कमी होईल व कार्डधारकांना मालाचे वाटप शक्य तेवढ्या लवकर होईल या उद्देशाने या मशीनचे वाटप करण्यात आले. यावेळी एस. एस. बांते अन्नपुरवठा निरीक्षण अधिकारी भंडारा तालुका, सुहास टोंग धान्य खरेदी अधिकारी, रहांगडाले इंटेग्र प्रांत अधिकारी व तालुक्यातील संपूर्ण रास्त भाव दुकानदार यावेळी प्रामुख्याने उपस्थित होते.
0 टिप्पण्या