चित्रा न्युज प्रतिनिधी
भंंडारा :-केसलवाडा (ता. पवनी): तथागत विद्यालय, केसलवाडा येथे गुरुपौर्णिमेचा पवित्र उत्सव मोठ्या उत्साहात आणि भक्तिभावाने साजरा करण्यात आला. कार्यक्रमाची सुरुवात महर्षी वेदव्यास, माता सरस्वती व क्रांतीज्योती सावित्रीबाई फुले यांच्या प्रतिमांचे पूजन व दीपप्रज्वलनाने झाली.
विद्यार्थ्यांनी गुरुचे महत्त्व सांगणारी मनोगते, प्रेरणादायी भाषणे, कविता आणि गुरु वंदना सादर करून उपस्थितांची मने जिंकली. "गुरु म्हणजे ज्ञानाचा दीप, संस्कारांचा शिल्पकार आणि यशाचा मार्गदर्शक" हा संदेश विद्यार्थ्यांनी आपल्या सादरीकरणातून प्रभावीपणे दिला.
यावेळी मुख्याध्यापकांनी विद्यार्थ्यांना गुरुंचा आदर, शिस्त, नियमित अभ्यास आणि चांगले संस्कार यांचे महत्त्व पटवून दिले. शिक्षकांनीही विद्यार्थ्यांना ज्ञानासोबत चारित्र्यनिर्मितीचे महत्त्व समजावून सांगितले.
कार्यक्रमात सर्व शिक्षक, कर्मचारी आणि विद्यार्थ्यांचा उत्स्फूर्त सहभाग लाभला. शेवटी सर्वांनी गुरुजनांप्रती कृतज्ञता व्यक्त करून ज्ञान, संस्कार आणि आदर्श जीवन जगण्याचा संकल्प केला.
विद्यालयाचे मुख्याध्यापक श्री पद्माकर सावरकर यांनी मुलांना आजच्या जीवनात गुरुचे महत्व, शिस्त आणी अंगीकार करून पुढे जाण्याचा संदेश दिला तर श्री. धनराज भोयर सर यांनी गुरुचे महत्व विषद केले. कुंभार मॅडम यांनी जीवनाचे प्रथम गुरु आई वडील यांचे उपकार विसरू नये असे सांगितले
या कार्येक्रमाचे उत्कृष्ट संचालन श्री. प्रदीप गोंडाने सर तर आभार प्रदर्शन श्री. धनराज भोयर यांनी केले.
परिचर श्री. देवानंद देशमुख व वर्ग 10च्या विद्यार्थ्यांनी कार्येक्रमच्या यशस्वी होण्यासाठी मदत केली
0 टिप्पण्या