गप्पी मासे सोडण्याची धडक मोहीम

चित्रा न्युज प्रतिनिधी 

अमरावती :-प्रा.आ.केंद्र तळेगांव(ठाकूर) राष्ट्रीय हत्तीरोग उपपथक, तिवसा यांच्या मार्फत प्रा.आ.केंद्र,तळेगांव(ठाकूर)अंतर्गत गावामध्ये कायमस्वरुपी आणि तात्पुरती डास उत्पत्ती स्थानामध्ये हिवताप,हत्तीरोग, डेंग्यू,चिकन गुनिया या कीटकजन्य आजाराच्या नियंत्रणासाठी विविध ठिकाणी गप्पी मासे सोडण्यात आले.

जैविक उपाययोजना अंतर्गत कीटकजन्य आजार नियंत्रणाकरिता अळी भक्षक गप्पी माशांचा वापर करण्यात येतो.साचलेल्या पाण्यात गप्पी मासे सोडल्यास ते डासाच्या अळी यांचे भक्षण करून डासांची घनता कमी करण्यास मदत करतात.गप्पी मासे सर्व प्रकारच्या डास अळी यांचे भक्षण करतात त्यामुळे हिवताप व हत्तीरोग निर्मूलन कार्यक्रमामध्ये मदत म्हणून ही मोहिम राबविल्या जाते.अशी माहिती व आरोग्य शिक्षण देण्यात आले.

ही मोहिम मा.उपसंचालक डॉ. भंडारी सर,मा.जिल्हा आरोग्य अधिकारी डॉ.आसोले सर,मा. जिल्हा हिवताप अधिकारी डॉ. जोगी सर,मा.जिल्हा हत्तीरोग अधिकारी श्री.जूनैद सर,तालुका आरोग्य अधिकारी डॉ.कलंत्री सर,वैद्यकीय अधिक्षक डॉ.माने सर,वैद्यकिय अधिकारी डॉ.राठोड सर यांच्या मार्गदर्शनाखाली राबविण्यात आले

गप्पी मासे धडक मोहीम यशस्वी करण्यासाठी आरोग्य निरीक्षक निवृत्ती काळपांडे,विठ्ठल राठोड सर्व आरोग्य कर्मचारी,नियमित क्षेत्र कर्मचारी व कार्यक्षेत्रातील सर्व आशा ताई यांनी विशेष परिश्रम घेतले